Hanggang Ikaw

Story Description

Lumaki si Nina sa isang tahanang puno ng pangaral ngunit salat sa pagmamahal. Habang ang kanyang kuya ang laging ipinagmamalaki, siya naman ang anak na tila hindi kailanman naging sapat sa paningin ng sariling mga magulang. Hanggang sa dumating si Brylle-ang unang lalaking nagparamdam sa kanya na siya ay mahalaga. Sa piling nito, natagpuan niya ang pagmamahal na matagal niyang hinahanap at inakala niyang ito na ang taong makakasama niya habang-buhay.

Ngunit isang pagkakamali ang sumira sa lahat.

Sa isang iglap, gumuho ang relasyong minsan nilang ipinaglaban, iniwan si Nina na wasak at nawalan ng tiwala hindi lamang sa pag-ibig, kundi pati na rin sa sarili.

Sa panahong pilit niyang binubuo ang mga piraso ng kanyang puso, muling tatawid sa landas niya si Orion isang dating kaklase na tahimik lamang noon, ngunit ngayon ay tila naging liwanag sa madilim niyang mundo. Sa bawat kabutihan, pag-aalaga, at pagiging isang tunay na ginoo, unti-unti niyang napaniwala si Nina na posible pa ring magmahal at magsimulang muli.

Ngunit paano kung ang taong naghilom ng sugat ng kanyang puso... ang siya ring may pinakamadilim na lihim?

Paano kung ang lahat ng kabutihang ipinakita nito ay bahagi lamang ng isang planong matagal nang inihanda?

Sa pagitan ng pag-ibig, panlilinlang, at mga katotohanang unti-unting mabubunyag, mapipilitan si Nina na harapin ang pinakamahirap na tanong sa kanyang buhay:

Hanggang saan ang kaya mong ibigay para sa taong mahal mo... kung ang lahat ng pinaniwalaan mo ay isa lamang kasinungalingan?