The Omega Claimed by Seven Alphas (BL)

"Hindi maaari... lalaki ako. At hindi ako bakla."

Iyan ang paulit-ulit na sinasabi ni Vaelith Aeron Caedmon, isang inaaping binata na buong buhay namuhay bilang isang hamak na utusan. Wala siyang pamilya, kapangyarihan at alam sa tunay niyang pagkatao bilang huling tagapagmana ng maalamat na Crimson Royal Pack.

Ngunit sa isang hindi inaasahang pagkakataon, nagbago ang lahat nang mahawakan niya ang isang makapangyarihang Alpha. Isang kakaibang marka ang lumitaw sa kanilang mga kamay, hudyat ng isang sinaunang propesiya. Hindi lamang isa, kundi pitong Alpha mula sa pitong magkakaibang pack ang itinadhana bilang kanyang mga mate.

Habang pilit niyang tinatakasan ang kapalaran, dahan-dahang nabubunyag ang mga lihim ng kanyang nakaraan. May mga traydor na naghihintay sa tamang pagkakataon, isang madilim na organisasyong gustong gamitin ang kanyang kapangyarihan at isang Hari ng Kadiliman na handang lipulin ang lahat upang maagaw ang dugong maharlika na dumadaloy sa kanyang mga ugat.

Sa gitna ng mga nakakatawang pagtatalo, walang katapusang selosan, mapanganib na laban at mga lihim na marahang nabubunyag, matututuhan kaya ni Vaelith Aeron na tanggapin ang kanyang tadhana? O tuluyan niyang sisirain ang propesiyang nakatakdang magbuklod sa pitong Alpha at sa nag-iisang Royal Omega?