A Siren's Wish (Mermaid Series 2)

Hindi sa lahat ng oras, kayang wasakin ng pag-ibig ang nagyeyelong puso ng isang sirena. Sila ay ipinanganak upang protektahan ang kanilang tahanan at ang kalikasan ng karagatan. Walang lugar ang pagmamahal kundi isa lamang responsibilidad. At ang nag-iisang perlas na ito na nagsisilbing lakas nila sa tuwing sasapit ang 'Tubong Ginto' sa Setyembre - Oktubre ay siyang binabantayan nila't pinapaahon sa pusod ng karagatan upang mailawan. Sa tuwing sasapit ito ay malinaw sa kahit na sino ang perlas at mahigpit na pinababantayan ito upang maiwasang manakaw ng kahit na sino lalo na ng mga mortal.

Maloko, palabiro at napakadaldal, iyon ang ma-idedepiniho kay Cassius Winston na may lahing Amerikano. Isang nag-iisang Prinsesa naman ng karagatan si Serenity. Walang apelyido at hindi marunong makiramdam. Pero nang lamunin ng unos ang karagatan, nayanig ang kanilang tahanan, naging magulo ang buong sambayanan. Lahat ay naalarma nang mawala ang perlas at hindi nila alam kung saan ito matatagpuan at pupulutin.

Ngunit sa halip na hanapin iyon lalo na't walang sapat na ebidensyang makapangyarihan pa ang perlas, para makabuo ulit, kinailangang magpakasal ang isang dugong-bughaw mula sa kanyang mapipiling mandirigma sa kanilang palasyo. Pero sa kasamaang-palad, iisa lamang titibok ang puso ng isang sirena. At sa isang taga-lupa pa nang minsan na niya itong masumpungan habang nililibot niya ang buong karagatan.

Prente itong nakasandal sa kanyang upuan habang may antipara ang kanyang mga mata. Nakangisi ito at litaw na litaw ang kanyang mga biloy sa pisngi. Sa kauna-unahang pagkakataon, isang tila ba'y hindi maunawaang pagkabog ng dibdib ang kanyang naramdaman tungo dito. At sa pagkakataong iyon, alam na niya ang tawag rito. Pag-ibig na ngang tunay.

Language: Taglish
Date started: July 30, 2026
Date ended:

©All rights reserved 2026
-The photo is not mine. Credits to the rightful owner.