THE YAKUZA TEACHER

Si Rin Watanabe ay anak ng isang makapangyarihang yakuza mula sa Yamaguchi Clan. Lumaki siyang taglay ang pambihirang lakas, husay sa pakikipaglaban, at walang takot na personalidad. Sinumang magtangkang humadlang sa kaniya-babae man o lalaki-ay walang pag-asang manaig. Dahil dito, walang sinuman ang nangahas na kalabanin siya.

Ngunit sa kabila ng mundong puno ng karahasan, krimen, at ilegal na gawain na kaniyang kinalakhan, natutunan pa rin niyang mangarap. Ang pinakamatayog niyang pangarap ay ang maging isang guro.

Sa kasamaang palad, dahil sa impluwensiya at reputasyon ng kanilang angkan sa Japan, hindi siya maaaring tanggapin bilang guro. Naniniwala ang marami na ang pagiging bahagi ng isang kilalang pamilya ng yakuza ay magiging masamang impluwensiya sa mga mag-aaral.

Ang kaniyang ina, si Samantha Watanabe, na mas kilala sa Japan bilang Keiko Watanabe at kinikilalang "Kumicho no Tsuma" (Asawa ng Kumicho), ay isang Pilipina. Determinado siyang tulungan ang anak na maabot ang pangarap nito. Kaya't naisip niyang ipadala si Rin sa Pilipinas upang manirahan muna sa kaniyang mga tiyahin at doon magturo.

Ngunit ang lahat ng ito ay nakasalalay sa pahintulot ng kaniyang ama na si Kiyoshi Watanabe, ang kinikilalang "Kumicho" o pinuno ng kanilang clan.

Ano kaya ang magiging kapalaran ni Rin sa Pilipinas? Magtatagumpay kaya siyang maging isang guro? O mabubunyag ang lihim na siya ay anak ng isang makapangyarihang yakuza-o mas kilala sa Pilipinas bilang isang gangster?