Paper Walls

Si Cian Flores ay isang sikat na aktor sa Pilipinas-kilala sa galing niya sa comedy at drama, at minamahal ng marami dahil sa natural niyang charisma at pagiging makulit sa harap ng camera.

Para sa publiko, isa siyang taong puno ng saya. Isang artistang tila walang problema, palaging nakangiti, at parang kayang gawing magaan ang kahit anong sitwasyon.

Pero walang nakakaalam kung ano ang kuwento sa likod ng ngiting iyon.

Dahil sa patuloy na pagtaas ng kanyang kasikatan, isang documentary ang ginawa tungkol sa kanyang buhay. Gusto ng lahat na malaman kung saan nagsimula ang kanyang tagumpay, ano ang nagtulak sa kanya para mangarap, at kung ano ang mga pinagdaanan niya bago makarating sa kinalalagyan niya ngayon.

At habang unti-unting binubuksan ni Cian ang mga pahina ng kanyang nakaraan, isang bagay ang naging malinaw sa lahat-

hindi lahat ng taong palaging nagpapasaya sa iba ay tunay na masaya.

Sa mata ng mundo, siya ang masayahing G sa LGBTQIA+ community-proud, confident, at walang takot maging siya.

Pero sa likod ng spotlight, cameras, awards, at mga tawanan...

may isang batang matagal nang natutong manahimik.

At marahil, ang pinakamasakit na bahagi ng kanyang kuwento ay hindi kung paano siya naging matagumpay-

kundi kung ano ang kinailangan niyang pagdaanan para makarating doon.