The Point: All Twists, No Turns

"Every individual has a story to tell, everyone has a say, each and every person in this world... wants to get their point across-not to be buried and tossed."

Ironic, isn't it? Isa lang naman tayong tuldok sa pagkalawak-lawak na kalawakang kinagagalawan natin. Pero heto tayo, may isinisigaw na punto. Puntong nais nating marinig ng ibang tao, puntong maaari ding yumanig ng pagkatao.

Tulad ng pinoprotektahan ng dyornong nagsisilbi sa bayan, kahit ng nobyang nangakong makipagkita sa mga future manugang, pati na rin ng dalagang nagtangkang tumakas sa sariling tahanan-kagaya ng walang katapusang sansinukob, hindi rin natatapos sa mga istoryang ito ang mga ibinubulong nitong libro.

Ang tanong... Handa ka bang dinggin ang mga puntong nakapaloob sa mga pahina nito?

Ang kaso nga lang, ito na, oh. Hawak mo na. Kahit ibaba mo pa itong libro, tutuldukan at tutuldukan ka ng mga kuwento rito. Pwede kang tumalikod, pero wala ka nang babalikan.

Kaya sa halip na ibaba mo at hayaan kang multuhin nito, buklatin mo na lang ang pabalat. Hindi ba't mas maganda nang may alam kaysa magbulag-bulagan?

....................

The Point: All Twists, No Turns
An Anthology by zurilovesclouds