Blue Sky

Si Aurelio "Eli" Valderama, anak ng isang kilalang negosyante, ay lumaking nasa mundong kumpleto, maliban sa isang bagay: ang pakiramdam na may taong tunay na nakakakita sa kanya.

Sa kabilang bahay naman nakatira si Caelan "Cai" De Luna, isang working student na sanay lumaban para sa pamilya. Habang nangangalakal ng bakal ang kanyang ama, pilit niyang tinatahak ang pangarap na makapagtapos sa Pangasinan State University.

Magkaibang-magkaiba ang mundo nila, pero magkatabi ang bahay, magkabarkada mula pagkabata, magka-course, at magkasabay humarap sa buhay. Sa paglipas ng panahon, ang simpleng paghawak ng kamay at pagsabay sa pagpasok ay naging isang lihim na pag-ibig.

Sa ilalim ng bughaw na langit, umamin si Eli kay Cai, at doon nagsimula ang relasyon nilang kailangang itago sa lahat.

Pero paano kung may dumating na babae na unti-unting kukunin ang oras, tiwala, at atensyon ni Eli? Paano kung ang isang halik na hindi naman ginusto ay maging dahilan upang tuluyang mabasag ang pusong matagal nang lumalaban? At paano kung, sa pinakamasakit na sandali, itatanggi ni Eli ang lalaking pinakamamahal niya?

Pagkatapos ng tatlong taon, muli silang pagtatagpuin ng tadhana.

Pero sa pagkakataong ito, sapat pa ba ang "sorry" para buuin muli ang pusong minsan nang iniwan?

"Sa ilalim ng asul na langit, ikaw ang pinili ko. Pero bakit noong kailangan kita, ako ang itinanggi mo?"