Legends of the Crescent Moon

When finding true love means your end, would you still fall?

Aira Chrystal Leviste. Mula sa kilala at respetadong angkan, ngunit malaon nang naglaho ang dating rangya at kapangyarihan ng mga Leviste. Simpleng dalaga at nasa ika-apat na taon sa kursong International Culture and Communications sa isang prestihiyosong unibersidad sa Maynila. Mabait, matalino, maganda. Mga katangiang sapat para panibughuin ng iba at hangaan ng nakakarami. Subalit hanggang kailan magtatagal ang payapang pamumuhay ng dalaga? Anong panganib ang naghihintay sa pagpula ng suklay na buwan?

`Itim na singdilim ng gabi. Rosas para sa pagsibol. Pula para sa pamumukadkad ng wagas na pag-ibig. Subalit siya ring kulay ng dugong dadaloy mula sa pusong masasawi.`

Cool, smart at kilabot ng mga girls. Puno ng karisma ang amboy transferee na si Mervis Jhon Bullock. Friends to all kahit sa mga siga ng school. Ngunit sa likod ng kanyang mga ngiti, isang anino ng kahapon ang hindi niya matatakasan. Alipin ng markang taglay na mula pagsilang.

`Hanapin ang kakambal na buwan.`