Love Story Wanna Be.

Nung teenager ka, at wala kang lovelife, ang motto mo nun ay sinusulat pa ni Lord ang perpektong love story mo. Alam mong niri-reserve ni Lord ang the best na lalaking gwapo at may abs para sa'yo.

Nung nasa 20's ka at wala ka pa ring lovelife, medyo naghihintay ka pa rin, pero medyo nagrereklamo ka na. Pero feeling mo ay niri-reserve pa rin sa'yo ang isang lalaking gwapo at may abs.

Nung malapit ka ng mag-30, pinagmamadali mo na si Lord na tapusin ang istorya mo. At kahit medyo gwapo basta mayaman, pwede na.

Kapag tumungtong ka na sa 30's at wala ka pa ring lovelife, aba magdasal ka na. Baka naubusan ka na ng lalaki, kaya kahit pangit or DOM, pwede na.

Pero sinong mag-aakala na makakatagpo pa pala siya ng isang lalaking magmamahal ng tunay at wagas sa kanya? (naks!) At eto pa, lalaking gwapo at may abs. O 'di ba? Feeling worth the wait lang?