So Unexpectedly

"SO UNEXPECTEDLY"
TEASER:
INAAMIN naman ni Rizly na isa siyang oportunista- oportunistang saksakan ng ganda. Nang tinakbuhan ng pinsan niya ang lalaking mahal nito ay hindi inaasahang makita niya sa labas ng kaniyang gate si Luigi- gwapo, matangkad, at higit sa lahat, may magarang kotse.
Pinipilit siya nitong sabihin sa kaniya ang kinaroroonan ng pinsan niya dahil gusto raw nitong tulungan ang kaibigan nito na nagkataong siyang tinakbuhan ng magaling niyang pinsan. Ayaw sana niyang maging traydor pero pinangakuan siya ni Luigi na bibigyan siya nito ng magandang trabaho. E nagkataon namang kare-resign lang niya.
At dahil isa siyang dakilang oportunista, pumayag siya sa gusto nito dahil sa mapapakinabangan niyang bongga. Bahala na kung magalit man ang pinsan niyang si Staergen sa kaniya. May iba pa kasi siyang agenda- iyon ay ang pa-in love-in si Luigi.
Pero mukhang kinarma yata si Rizly. Habang nakakasama kasi niya nang matagal ang lalaki ay siya ang tuluyang na-in love dito.
Ano ba itong gulong pinasok niya?