ANG NAKARAAN AY NAKARAAN NA

Ang nakaraan ay nakaraan na. Yan ang laging binabanggit ng mga bawat tao na naalala o ipinaalala sa kanila ang kanilang nakaraan. Sa ating nakaraan, mayroong masaya at hindi maganda o masama. May mga bagay na nangyari sa ating nakaraan na ayaw nating balikan. Pero mayroon din na gusto natin balikan ngunit hindi na maaari. Makakaramdam ng pagsisisi at pagkahinayang base sa mga nangyari sa kanilang nakaraan.

Sa ating nakaraan, hindi mawala sa ating puso at isip ang mga nangyari noon. At ang talagang mararamdaman mo pagkatapos ng pangyayari, ay maaaring pagsisisi o pagkahinayang. Nagsisisi ka dahil nagkamali ka, naisip mo na hindi mo nalang pala dapat ginawa. Naisip mo na hindi ka dapat nag padalos-dalos. Naisip mo at tinatanong sa sarili na, bakit hindi mo muna inisip ang mga posibleng mangyayari pag ginawa mo iyon. At nanghihinayang ka naman dahil, nagkamali ka rin, na akala mo, na mali ang ginawa mo. Ang masasabi mo nalang ay "Sayang" sana hindi mo siya dapat iniwan, hindi ka dapat nagalit, at hindi ka dapat sumuko pero wala kang magawa kundi magalit sa sarili mo dahil tapos na ito at hindi mo na maibabalik pa.

Kaya ngayon, naisip mo na ang dapat gawin, wala ka ng magagawa kundi, magbago at magsimula ng maayos. Sa mga nangyari sa nakaraan, ay natuto ka, at naging responsableng tao. Pagtutuonan ng pansin ang ngayon at hindi na ang nakaraan. Lahat ng tao ay nagkakamali at lahat din ng tao ay may karapatang magbago, at matuto sa mga pagkakamali ng sa gayon ay maging isang huwaran at mabuting tao.