Game of the Galaxy

"Atin nang tawagin ang mga matatapang at malalakas na representatives ng bawat planeta!" Narinig kong sigaw ng MC na nasa gitna ng arena. Totoo nga ang lahat ng ito ay nangyayari. Ito na talaga, wala ng sukuan. Lalaban kami hanggang sa aming makakaya sapagkat dala dala namin ang reputasyon ng buong planeta. Kailangan naming tumagal sa larong ito kahit hanggang sa aming huling hininga. Ngunit ang pinakamahalaga sa lahat ay itatatak namin sa aming isipan na kami ang mananalo! Alam namin iyon sa aming sarili!

Umandar na ang aming sinasakyang entabladong mag-aangat sa amin sa malawak na arena at upang maipakita na kami sa lahat ng nilalang na nasa loob nito. Unti unti kaming umangat hanggang sa nasilaw kami sa spotlight na nakatutok sa aming walo. Narinig ko ang masigabong palakpakan at mga tunog ng trumpeta. Nakakakaba, nakakatakot, nakakapanghina, ngunit mas nangingibabaw ang pagkaexcite. Nakita kong nakangiti ang mga kasama ko. Malakas ang kanilang loob. Handa sila at syempre gayundin ako. Ngumiti din ako at ipinakita na kaya ko din. Mananalo kami sa larong to!

Hi! Bago sa larangan ng pag-susulat. Ito ang una kong fantasy story. Ang storyang ito ay patungkol sa iba't ibang uri ng tao sa iba't ibang uri ng planeta na sasali sa isang survival game. Nakapaloob dito ang mga Abilities and Powers. So enjoy!