ALLAHLAR HAQQINDA HEKAYƏLƏR

Everest dağının uca, qarlı zirvəsində Nesella adlı allahlar şəhəri var idi. Burada yeddi allah var idi. Bu allahlara neslər də deyərdilər. Bu allahların hərəsinin öz sarayı, mülkü, xəzinəsi var idi. Ən böyük saray allahların başçısı Revinə aid idi. Revin Allahlar şurasının rəhbəri idi. O, başçı olduğuna baxmayaraq, allahlarla məsləhətləşər, sonra yekun qərar çıxarardı. Amma hansısa bir allah səfərə çıxanda, hara isə gedəndə Revindən icazə alardı. Nesellada ikinci şəxs Lur idi. Lur neslərin ən güclüsü idi. O, müharibə vaxtı ordunun önündə gedirdi. Başqa vaxtlarda isə o, yer kürəsini idarə edirdi. O, od tanrısı idi. Bütün odlar ona tabe idi. Nesellada üçüncü şəxs Vidani idi. O, dənizlər allahı idi. O daha çox komik hərəkətlər edər, başını dərdə soxardı. Amma o, komik olduğu qədər də hiyləgər, kinli biri idi. Nesella tanrılarından biri də Azul idi. O, dəmirçilərin himayəçisi idi. Heç kim ondan yaxşı bəzək əşyaları və başqa alətlər düzəldə bilmirdi. Nesella ilahəsindən olan Fermida məhsuldarlıq və bərəkət tanrısı idi. O həm də Lurun arvadı idi. Nes ilahəsi olan Sernida Nesellada ən gözəl idi. Onun kimi gözəli tapmaq çətin olardı. O, təbiət allahı olduğuna görə heyvanların, bitkilərin adını bilirdi. Onun anası insan, atası isə xeyir ruhlarından idi. Nesellada daha bir tanrı Reniz idi. O, allahların başçısı Revinin oğlu idi. Reniz onda olan ağır əsa ilə Nesellanı insanlar yaşayan dünya və başqa dünyalarla birləşdirən qapını qoruyurdu. O qapıya “dünyalar qapısı” deyilirdi. Nesellanın ən vacib allahı Renizin özü idi. Çünki Reniz olmasa, Neslərin düşməni qapılardan keçib Nesellanı tutardılar. Bu qapıdan ən çox Lur istifadə edirdi. O, Nesellaya hücum etmək istəyən düşmənlərin dünyasına daxil olub, təhlükəni yerindəcə boğurdu. “Dünyalar qap