Ang mga Panaginip ni Kristine

Naramdaman mo na ba na parang may kulang sa buhay mo?

Kilala mo ba nang lubusan ang iyong sarili?

Ito ang kwento ni Kristine. Isang ordinaryong bata na may ordinaryong buhay.

Nabubuhay siya nang masagana kasama ang kanyang mga magulang at walo pa niyang kapatid. Nag-aaral sa isang kilalang pamantasan sa kanilang bayan. Isa sa mga kinikilalang pinaka matalino sa kanilang klase. Student-leader at maraming kaibigan at taga-hanga. Kabilang din siya sa iba't ibang organisasyon. Kasapi ng music ministry ng kanilang parokya. May napakagandang boses at bihasa sa pagtugtog ng byolin. Kung titignan, halos kumpleto na ang ordinaryong buhay na nais niya.

Ngunit, napagtanto niya na may kulang pa sa buhay niya.

Sa paghahanap ng mga kasagutan sa kanyang mga tanong sa buhay, natuklasan din niya kung sino ba talaga siya sa tulong ng mga taong nakilala niya at sa mga naging karanasan niya.

...At nakita din niya kung paanong kumilos ang Diyos sa istorya ng kanyang buhay.

Nagsimula ang lahat nang magsimulang magparamdam Siya sa kanyang buhay.

At magsisimula ang ating kwento sa isang panaginip...