Maria Clara, Edukada at ang Pagdurusa

Mayumi, magandang mukha, matapang at kayang harapin ang mga dagok sa buhay ang pagkataong sumasalamin sa taong taglay ang respeto ng mga kalalakihan o mga taong nabibilang sa isang pamayanan. Yaman ng bansa at instrumento upang makamit ang kaunlaran. Sila ang Filipina o ang mga kababaihan ng Pilipinas na hanggang sa kasalukuyan ay patuloy na lumalaban. Ngunit paano, saan at bakit? Mga tanong na patuloy nating iniisip. Paano sila noong panahong laganap ang kolonyalismo? Saan nila nakuha ang kalayaan? At bakit magpahanggang ngayon batid nila ang tatag ng puso sa bawat araw na lumilipas. Filipina sa loob ng tatlong siglo.