Water Boy by TaongSorbetes (WALA ng Karugtong)

THIRD year highschool na nang umpisahang kahiligan ni Romeo ang larong basketball. Nagsimula ito nang mapanood niya ang three point shot ni Ray Allen sa game six ng NBA Finals noon. Miami Heat at San Antonio Spurs ang magkalaban ng taong iyon. Ito nga ang nagbigay sa kanya ng inspirasyon na sumali sa basketball team ng kanilang paaralan. Gusto niyang maramdaman sa sarili niya na nakakapagpapanalo siya sa pamamagitan ng tira niya. Gusto niyang makilala sa isports na ito. Gustong-gusto na niya.