Ikalawang Kabanta

Mahal ko ang Gabi
Bulalakaw sa langit
Katahimikang umaawit
Ilaw at musika sa aking pagpikit

Maging ang ulan ay mahal ko rin
Kahit di maaninaw ang tala sa dilim
Dampi sa balat ng malamig na hangin
Lunas sa naging sugatan kong damdamin

Nasanay ako sa gabi at ulan
Ang dilim at lamig ang aking katuwang
Hanggang kailan kaya ako mag-aabang
Sa taong pares ko na sa akin ay magmamahal?

Pagkatapos ng gabi ay uusbong ang umaga
Titila ang ulan at muling sisikat ang araw
Sa tamang panahon hihilom aking sugat
At sa ilalim ng araw tayo ay magtatapat.

Ang umaga at araw ay handa kong mahalin
Tulad ng pagsinta ko sa gabi at dilim
Maging sa tanghali ika'y yayakapin
Mahigpit aking kapit wag mo lang lilisanin.