بعدك يا عبود

عاده كان ظلام، بس وقته. ماليش طافه احرك جسمي من فوق السرير بس صوت المؤذن ليطرب اذني و قلت عيب ازعل الله. كيف و هو كان اكثر واحد يساندني طول هذي الستة اشهر
مدري من متى صار نومي خفيف. كان عبدالملك اللي يطفي المنبه مش انا. الله يرحمك بس يا عبود.
قمت اتوضاء و دلا دلا امش من بين عيالي الراقدين لا اصحيهم. كملت اصلي فجر و قراءت شوية قران و سرت اعمل فطور.
'صباح الخير' و فتحت الباب بقوة
'ياماه خمس دقايق بس'
'خمس دقايق مه؟ صباح الفل' و شليت البطانية من فوق ماجد و بثينتي بتضحك و تصيح تستاهل.
'منو اللي بيستاهل' و شليت البطانية من فوقها و اكركرها و هي بتضحك و تصيح يامه خلاص قمت والله قمت.
'يلا فيسع قد اسامه صحي قبلكم يا صنج' و خرجت من الغرفة بعد ما فتحت الستاير طول بعرض.
والله ما قصرت بشيء يا عبود. كانت قاضي عادل و كل فلوسك كان بتنفقها لمصلحتنا. لا كانت تخزن كثير بالعكس دخلت بثينة و ماجد مدارس خصوصي و كانت مخطط تدخل اسامة معاهم. بس قدر الله و ما شاء فعل.