Karmian Angel [On-going]

Ang mga Karmian na Anghel ay isang uri ng Anghel na nagbabantay sa mga maling ginagawa ng mga tao upang parusahan o patawan sila ng "Karma" na karapatdapat sa mali nilang ginawa. Sila ay may malalim na kaalaman sa hustisya at karapatang pangtao at anumang parusa ang kanilang ipinapataw sa tao ay binabase nila sa kanilang Book of Laws

Isa sa mga Karmian na Anghel si Ziondreh. Isa sa pinakakilalang Karmian sa MeedHeaven- Lugar o Pamahalaan sa kalangitan kung saan ang ibat ibang Anghel ay nagtitipon upang magsanay at upang magampanan ang kani kanilang mga gawain para sa tao.

Sa taglay nyang husay at sigasig sa posisyon ay napapalapit na ang kanyang promosyon.
Ngunit nagkaroon ng problema, isang babae na kasalukuyang nagdudulot ng pagbagsak sa posisyon ng ibang mga Karmian na Anghel ang nangangailangan ng espesyal na Karmian na magbabantay.

Bilang huling pagsubok sa kakayanan ni Ziondreh ay naatasan syang maging Karmian sa babaeng ito. Ano ang dahilan ng pagbagsak ng ibang Karmian sa kanilang posisyon? Ano ang hiwaga na bumabalot sa babaeng ito? Magtatagumpay kaya si Ziondreh sa kanyang huling babantayang tao o babagsak din sya kagaya ng ibang naunang mga Anghel?