Katiting Kathang-Isip

Nabuo tayo sa mga pinagdugtong-dugtong na mga katha, ng mga isip, ng mga malilikot na guni-guni. Nagkaroon tayo ng kapirasong mundo gamit ang mga pangarap, ang kakayahang magmahal, ang masaktan, ang mangulila. Sa likod nating puno ng kwento. Sa gitna nitong pusong tuyot ang pag-iisip. Sa hinaharap na handang tumalikod . Patuloy tayong dadalhin ng buhay. Hindi sa kung saan tayo ang tutuldok. Hindi sa kung saan tayo ang mga kawing. Hindi sa kung saan tayo ang pamagat. Kundi doon tayo susuksok sa butas ng kabagutan. Gamit ang mga letra, magpipinta tayo ng isang katha. Isang kathang handang tumunganga.