PAANO BA ANG IBIGIN KA? (BOOK 2: RANCHO DE APOLLO) BY: LORNA TULISANA

Nagmahal siya ng higit sa kanyang sarili, nagpadala sa matatamis na pangako. Inakala niyang ang lalaking minamahal ay ang itinakda ng tadhana na makakasama niya habangbuhay, ngunit isa palang pagkakamali ang ibigin ito.

Nang magdalang-tao si ALLYDA ay itinatwa at agad siyang hiniwalayan ng taong pinag-alayan niya ng buong puso. Hindi lang pangarap ang nawala sa dalaga kundi maging ang kinabukasan nito na halos sumira ng kanyang katinuan.

Sa pagdating ni OPIUM, isang sangganong labas-pasok sa Muntinlupa Bilibid Prison, sisibol ang panibagong pag-ibig na handa siyang tulungan na bumangon para harapin ang bukas at kalimutan ang kahapon.

Magagawa kaya niyang muling magtiwala at magmahal kung nasa puso niya lagi ang takot na maulit ang sakit ng kabiguan?