Handom ni Totoy

ANG HANDOM NI TOTOY
I.
"Toy, toy, abi pagbugtaw na da...ano oras na ho?!! Sagi ka pulaw kng gab-i, ti kundi gaburaw ka. Abi bangon na da kag maghimos na paeskwelahan. " ang daw kakilibot nga tingog ni nanay nga halos lab ot sa pihak nga baryo. "Si nanay ya ho, daw malumpat man akon espirito sa tingog mo bah." Siling ko na kay nanay samtang nagaamat amat bangon pero gapiyong pa ang mata. "Nagay gani tinamad ha, indi ka gani mag ilog sa mga magulang mo nga palareho gintamadan mag eleskwela, ti kundi wla gd pag asenso ang pangabuhi."ang siling ni nanay. Mabatyagan ko gid ang dako nga paghinayang ni nanay para sa akon mga magulang nga wla gid magtinguha nga makatapos sa ila pag eskwela. "Indi ka bala nay magkabalaka sa akon kay may plano ko ya sa akon kabuhi." Ang hinay ko nga sabat kay nanay. "Indi nlng pagbasola kanday manang kg manong, wala naman ta na sang may mahimo kay may mga pamilya na sila." Sugpon ko pa gid samtang nagahimos sang akon banig kg ulonan. "Oh, sige na, dasiga na da"