Love myself

Kung hindi ikaw ang pinakamagaling, hindi ka nila pahahalagahan.

Yan na ang pinanghahawakan ko simula pa noong bata pa lang ako.

Kumbaga, kung second ka lang, hindi ka importante o kawalan sa iba.

Pero wala eh, pangalawa lang ako.

"Sinong nanalo?"-Alex
"Tinatanong pa ba yan, malamang si Martha."-Jake
"Ikaw na talaga ang pinakamaganda at pinakamatalinong taong nakilala ko"

Masarap sanang pakinggan pero hindi ako si Martha. Ako si Claire, second best at second option. At bestfriend ko siya.
Inggit? Oo nararamdaman ko yan. Masakit maging second lang sa lahat ng bagay. Yung tipong maiisip mo na, ganun na ba siya kagaling na sa lahat ng bagay ay binigay mo ang best mo, pero hindi mo na siya matalo-talo.

Kailan ba nanguna ang pangalawa? Kapag nawala na lang ba ang una at kapag wala na silang choice? Option na lang ba talaga ang pangalawa?

Ako at ako na lang siguro ang magmamahal at pipili sa sarili ko.