He, Who Lives In The Mountain

Sa isang probinsya dito sa Pilipinas ay mayroong tinatawag na Mt. Eclipse. Ito ang itinawag dito sapagkat sinasabi ng mga matatanda na tuwing eclipse daw ay maraming bumababang espirito at kung anu-ano pa dito. Kaya naman pinaniniwalaan nilang dito nakatira ang mga ito.

Dahil nga sa mga kwentong ito, ay binakuran ng mga tao ang paligid ng kabundukan. Sabi kasi nila na kapag pumasok ka dito ay mawawala ka, hinding-hindi mo na makikita ang daan palabas dahil ililigaw ka at ililigaw ng mga bagay na nakatira dito.

Isang araw may batang nagngangalang Mitchi ang pumasok sa bakuran at umakyat sa bundok. Buong hapong naghanap ang kanyang mga magulang sakanya. Dapit hapon ng masilayan nila si Mitchi pababa sa bundok. Nagtaka sila. Nagtanong. "Papaano ka nakabalik?"
Sagot ni Mitchi habang naka ngiti "Tinulungan po ako nung taong nakatira sa bundok."