Hanggang titig nalang kaya?

Mga mata ko sayo'y nakatuon
Tinititigan ka sa malayo, ika'y and'on
Damdaming matagal ng nasa kahon
Pusong pigil, hindi makayang ibaon

Kunwari'y nakapikit, ngunit ika'y masid
Patagong titig, sana'y dimo pa batid
Di'ko alam kung saya ba ang siyang hatid
O lungkot ba na parang sa daa'y napatid

Presensya ko'y andito lang sa tabi
Pero dimo makita, parang dilim sa gabi
Pag-aming kailan ma'y diko masabi
Hirap bigkasin ng aking mga munting labi

Ika'y iniisip tuwing tumitingala
Sa buwang singganda ng iyong mukha
Dala mo saaki'y kakaibang ligaya
Ngunit tanong saking sarili,
Hanggang titig nalang kaya?