...

7:10 a.m. , Monday. Nagri-ring na ang bell sa school at tinatawag na ang mga studyante at mga guro na pumunta na sa Quadrangle para sa Flag Raising Ceremony. Lakad dito, lakad doon, takbo diyan, takbo naman dun ina-alam kung saan pwe-pwesto. May mga nag-uusapan at sisipagtawanan kahit umagang-umaga pa, may mga nagtatanong din kung may assignment ba o wala.
~ 7:46 a.m.
Makalipas ang halos 30-minutong paghihintay at natapos rin ang FRC at nagsipagbalikan ang mga studyante at guro sa kanilang mga silid-aralan. Maingay habang naglalakad, may nagagalit at mayroon ding pagod na pagod at pawis na pawis dahil sa init ng araw. Simula na ng unang paksa at pumasok narin ang guro. Nagsilabasan na ng mga bondpaper, ballpen at saka sinimulan na ng guro ang bagong aktibidad.
~9:34 a.m. *Ring* *Ring* *Ring*
Tumunog na ang bell, tapos na ang first subject at simula na ng recess. Si Karen at Stasha, ang dalawang mag-bestfriends since grade 7 na ngayo'y grade 9 na, ay nagpasyang pumunta sa school canteen para bumili ng shake at hamburger. Medyo crowded, nagsi-siksikan ang mga studyante at mga guro at halos dikit-dikit na ang mga katawan. At dahil dun, walang choice ang dalawa kundi mag-intay ng nakatayo at susubukang bibili kapag kunti nalang ang mga tao doon. Hindi pa rin maubos-ubos ang mga mamimili dahilan na hindi na nakatiis si Karen at pabiglang hinawakan niya ang kamay ni Stasha ngunit... hindi ito ang kamay ni Stasha kundi sa isang lalaki na kaklase pala nila. Siya ay si Kenneth, ang kaklase nina Karen at Stasha.