COC, Crush Or Clash?

"Parang napapansin ko Lala, gumaganda ka? Ginagamit mo na ba yung sabon na binigay ko sa'yo?" tumaas babang kilay na sabi ng walang iba kundi hambog na si Clerence short for Cle. Common na daw kasi ang Rence as if naman bagay sa kanya ang pangalan niya.
Tinaasan niya ito ng kilay. "Excuse me? Anong pinagsasabi mo diyan? Pwede ba wag mo akong kakausapin, allergic ako sa mga mayayabang." lalayasan na niya sana ito ng humirit pa ito.
"Pakipot ka pa Lala. Di ba crush mo ako? Yun ang sabi ng bestfriend mo eh." at saka dali-dali itong lumayas sa harap niya ng makita nitong namumula na siya. Hindi siya nagblush kundi inis na inis siya sa hambog na iyon.
Pero aminin man niya o hindi. Tama ito, crush niya nga ito. Kung hindi lang sa bestfriend niyang traidor. Hindi sana nagka-clash sa pagitan nila ni Cle.