#isanggabi

Isa akong Technical Assistant sa isang simpleng yamanin na kumpanya dito sa Ortigas. Maganda naman ang kalagayan ng buhay ko ngayon. Retired na sundalo ang papa ko, so siya lahat ang gumagastos ng bayarin namin. May asawa na lahat ng tatlo kong kapatid na babae, ako pala ang bunso sa pamilya. Buo parin kaming pamilya sa bahay dahil doon sila nakatira, ang dami lang namin pero hati-hati naman sila sa gastos. Oo sila lang. Sila lang naman tong may mga anak eh haha. 22 years old na ako, pero wala pa akong nagiging girlfriend simula nung pinanganak ako. Napaka hayup noh?. Ok lang naman dinaman ako masyadong nagmamadali pero naiinip din naman ako. Paulit-ulit lang ang nangyayari sa buhay ko, gigising, magaalmusal, maliligo, magbibihis, sasakay ng jeep tapos bus, pagdating sa opisina, titig sa monitor, babad sa facebook, magaayos ng sirang printer kung meron mang aayusin. Mag aayos ng sirang CPU kung meron mang sira o kaya'y system ng kumpanya, mag uupdate ng website. May araw na madami akong gawa dahil ako lang mag-isang tech dito sa company na dapat ay tatlo kami. Na sisante yung dalawa, nahuli kasing naguuwi ng mga Computer Parts. Ok lang naman, di naman kami close nung mga yun, yun ngalang natatambakan ako ng mga gawain minsan. Ma po-promote pala ako as Technical SuperVisor sa susunod na linggo. Ayos ba? So mag ha hired na ng bagong tech. Mag iisang linggo na na walang nasisirang printer, computer, system o kung ano pamang technicalities. May mga nakakausap naman akong mga katrabaho, mas madalas nga ngayong wala akong ganap eh, paikot ikot lang ako sa bawat floor. Sa bawat department, na kala mo close ko lahat. Haha. Para akong kandidato twing hapon. After kong manud ng anime, pag na bobored na akong magDOTA, lumalabas ako. So ayun, medyo naiinip lang ako. Ewan ko kung bakit, parang naghahanap pa ako ng iba pang adventure sa buhay. Parang feeling ko dapat hindi 'to ang buhay ko. Feeling ko lang ahh.