Love and Hate

“Pagkatapos mo ako tawaging pangit noong mga bata pa tayo, hihingi ka ngayon sa akin ng tulong? Asa ka! Hu u ka sa akin ngayon.”

Abot langit ang galit ni Lorraine kay Razul dahil tinawag siya nitong pangit noong mga bata pa lamang sila pagkatapos niyang aminin sa binata na may gusto siya dito. Pagkatapos ng araw na iyon, sumumpa siya sa kanyang sarili na magbabago na siya at hinding-hindi na magkakagusto pa sa kahit sinong kalahi ni Adan. Masaya na sana siya sa pagiging single ngunit muling nagtagpo ang landas nila ng kanyang mortal enemy.

Parang may dalawang bundok na nagsalpukan ng muli silang magkita. Parang magkakaroon na ng World War III dahil sa tindi ng kanilang pag-iiringan. Pilit na pinapa-alala ni Lorraine sa kaniyang sarili na salot si Razul sa buhay niya ngunit tila walang balak ang binata na maging salot habambuhay. Mukhang may balak itong maging parte ng buhay ni Lorraine, not as a major headache but as her future boyfriend.