Isang buwang namalagi si Drina sa Bicol. Ang tanging dahilan lamang niya nang pagba-bakasiyon ay para matapos ang kaniyang nobela. Ngunit hindi niya inaasahan na sa lugar na iyon ay matututo ulit siyang magmahal matapos ang mapait na nakaraan. Si Federigo, isang tipikal na lalaki ngunit umagaw ng atensiyon ni Drina... pati na rin ng kaniyang puso. Dalawang manunulat sa iisang lugar. Dalawang tao para sa isang relasiyon. At dalawang puso na parehong naghahanap ng tamang timpla sa pag-ibig. Mahanap kaya nila ang sangkap ng pag-ibig na walang hanggan? Mapatunayan kaya nila na sa bawat librong may malungkot na wakas, posible pa ring mabuo ang masayang pagmamahalan? "Hindi tayo ang para sa isa't isa. Hindi kita kayang mahalin ng tuluyan dahil nasa nakaraan ka pa. Mahal mo pa rin siya. Hindi mo ako magagawang mahalin pabalik... Hindi mo kayang suklian ang inaalay kong pag-ibig."