Kapag tinanong mo ang isang tao kung ano ang ibig sabihin ng pag-ibig, malamang ay may sariling opinyon ito. Maaaring para sa kanya, ang pag-ibig ay isang lakbayin. Lakbayin kung saan may mga hindi inaasahang problemang dadating, mga pagsubok ika nga. Ngunit, ang lakbayin ay maari ding magkaroon ng mga kasiyahang hindi matutumbasan. Pero para sa iba, ang pag-ibig ay hawak ng tadhana. Hindi mo alam kung ano ang susunod na mangyayari. Maaring pasakit, o kaya'y ligaya. Pero para kay Yunie, isang teen-ager, ang pag-ibig daw ay misteryoso. Matapos maranasan ang iba't ibang uri ng paghanga - Infatuation, Puppy Love, Crush, at ma-fall, marami syang natutunan sa pag-ibig. Ngunit sa kabila ng pagkakaroon ng maraming crush, hindi nya parin nahanap ang kanyang Prince Charming. Nawalan na sya ng pag-asa -- pero not until when he met Clyde.