Its an Online Type of Love

//epistolary//

Valerie Moleño,Val or V for short. Normal na babae lang naman ako. Di gaanong katangkaran,walang ka appeal appeal, walang sense of humour,tahimik,at medyo boring sa totoo lang.

Pero syempre di naman mawawala sa bawat tao ang "other side" ika nga. Isa akong full-time fangirl. Di man halata sa itsura pero, wala eh. Kami yung mga tipong kulang nalang makipagpatayan makakuha lang ng ticket o kaya naman ng bagong album, yung halos magwala na kapag nalaman na nagd-date yung idol niya, humagulgol hanggang maubusan na ng uhog kapag di nakapunta sa concert at handang magpakapuyat maging updated lang.

Syempre kung fangirl, hinding hindi mawawala ang mga fan accs o spazz accs. Mapa facebook man o mapa twitter yan, at dyan nabubuo ang sarili kong mundo; dito ko natatamasa yung wala ako sa totoong buhay, maraming kaibigan, kasikatan,at kung ano ano pa.

Pero hindi ko naman inaasahan na dito ko rin pala makikilala ang taong mamahalin ko ng buong buo at ng pang matagalang panahon.