Alam ni Abcdee iyon. Na walang karapatang bumalik ang mga biglang nawala at hindi nagbigay ng seguridad ng pagbabalik. Na hindi laging bakante ang mga parte ng buhay ng mga taong iniwan natin. May mga taong bibigyan ka pa rin ng reserbang upuan sa buhay nila at dalawang kamay ang sasalubong sa 'yong pagbabalik. May iba na pauupuan na ito sa iba pero kaya pa ring magbigay ng panibagong upuan para sa 'yo. May ilan na tuluyan nang aalisin ang lahat ng maaring upuan sa buhay nila. Isasarado ang pinto maging ang mga bintana. Magtatayo sila ng mga pader na kahit ikaw at iba'y 'di na kayang tibagin. Kaya nang magkita silang muli ay nagulat siyang nang kinausap siya nitong muli na tila isang malapit na kaibigan. Pakiramdam niya ay hindi siya nararapat sa maluwag na pagsalubong na 'yon kaya kahit may paanyaya siyang pumasok muli sa buhay nito ay hindi niya malaman ang gagawin. Date started: March 23, 2018/January 23, 2021 Date Finished: