REAL CHOICE OF LOVE

Halos lahat na yata ng pangit na mga ugali ay nasalong lahat ni Victor. Mula pagkabata ay sadyang kay hirap niyang maunawaan. Minsan lang siya kung magkaroon ng mga kaibigan sapagkat kadalasan ay iniiwan lang siya ng mga ito. Kay hirap niyang kaibiganin dahil bukod sa pagiging masungit, at bugnutin ay palagi siyang nakasimangot. Ngunit kung anong pangit ng kaniyang ugali ay ganoon naman ang kabaligtaran ng kaniyang itsura. Siya ay matangkad, maputi at may katangusan ang ilong. Bukod rito ay maganda ang kaniyang pangangatawan. Siguro ay namana niyang lahat ng ito sa kaniyang mga magulang na nasa States... oo mayaman sila, kung kaya't ito ang kalimitang dahilan na kaniyang naiisip patungkol sa kaniyang mga kaibigan. Ngunit magbabago ang lahat sa pagdating ng karakter ni Jerry, isang mahirap ngunit napakasipag na anak ni aling Bekay. Pumanaw na ang kaniyang ama, kung kaya't siya na ang bumubuhay sa kanyang 4 na mga kapatid na lalaki at sa kaniyang pinakamamahal na ina.

Si Jerry ay may katangiang kabaligtaran ng pag-uugali ni Victor, kung kaya't mayroon siyang mga tapat at tunay na kaibigan. Isa na rito si Vanessa, na mula noon ay nakasama at nakilala na niya ng lubusan. Lihim itong magkakagusto sa karakter ni Jerry na kahit minsan ay wala pang napupusuan.

Isang hindi sinasadyang aksidente ang magku-krus sa landas nina Jerry at Victor, na magdudulot ng dahilan para sila magkakilala at magkasama sa iisang bubong ng bahay nina Jerry. Isang lihim ang mauungkat na magbabago ng kapalaran ng dalawa. Sa kabila ng lahat ay matututunan nila ang salitang "pagkakaibigan", na kalauna'y mauuwi sa "pag-iibigan?" Paano tatanggapin ni Vanessa ang kaniyang mga nasaksihan? Handa nga ba siyang kalimutan na lang ang kaniyang pag-ibig para kay Jerry, lalo't kung malalaman niyang isa pala itong lihim na babae?! At alin ang mas mananaig sa pag-ibig ni Jerry... ang kaniyang puso bilang Jerry o ang kaniyang isip bilang si Cherry ?