FINDING CARISSA

"You can only see what you're finding when you stop looking with your eyes and start seeking with your heart."

Posible ba akong ma in love sa isang babaeng hindi naman nag eexist? Hindi ko siya kilala at hindi ko pa siya nakikita pero, ewan ko ba. Ang pangalan niya ay Carissa. Ilang buwan na rin simula nung magkaroon ako ng visions niya kapag natutulog ako. Kapag napapanaginipan ko siya ay hindi niya pinapakita ang kanyang mukha pero alam kong napaka ganda niya. Napapanaginipan ko na masaya kaming nag mamahalan, nagtatawanan, at minsan pa, nagiiyakan. Pero isang panaginip ang gumising sa natutulog kong puso. Nanaginip ako na nawawala siya at desperado akong hanapin siya. sa sobrang makatotohanan nito, tinotoo ko ang paghahanap kay Carissa. Kahit ako'y gising, nararamdaman ko ang pangamba kung nasaan siya. Tinutulungan rin ako ng kaibigan kong si Iya. simula pagkabata ay mag kaibigan na kami. Nung una ay hindi siya naniwala at tinawanan lang niya ako nung sinabi ko na inlove ako sa isang babae mula sa aking panaginip. Pero tinulungan pa rin niya akong hanapin si Carissa kahit na alam niyang wala kaming makikita.

Isang araw, may bagong estudyante sa school namin. At oo, Carissa ang pangalan niya. Eto na iyon, ang galing talaga ng tadhana. Naging magkaklase kami ni Carissa at may namuong pagtitnginan sa aming dalawa. Mahal na namin ang isa't isa. Grabe, napakamapaglaro talaga ng tadhana. Pero bakit ganon? Mahal ko si Carissa pero, hindi pareho ng nararamdaman ko sa babaeng nasa panaginip ko.

Isang araw, isang pangyayari ang nag wasak ng mundo ko. Si Iya, ang bestfriend ko, nasangkot sa isang madugong aksidente na naging dahilan ng kanyang pagkamatay. Sobrang sakit. Parang nawalan ako ng kapatid.

Isang buwan makalipas ng pagkamatay ni Iya, iniwan ako ni Carissa. Lumipad siya papuntang America.

Inilibing ko naman sa aming bakuran ang kwintas na ibinigay ko kay Iya nung mga bata pa kami. Sa aking paghuhukay ay may nadiskubre akong diary...