Kisses and Lies by Liyam

This story is originally written by LIYAM JULIAN :) in cooperation with LOVe OUR BLOG POST

Bahagyang natawa si Raffy. “Maybe it’s about time na malaman mo kung sino talaga ako.”
Mabilis na nagbago ang emosyon ni Lexy at napalitan ng pagkasabik at pagmamahal. “Aba! Dapat lang! Kundi, hinding-hindi ka na makakatuntong sa bahay naming dahil pauwi na si daddy!”
Napaungol si Raffy.
“Kaya simula mo ng magpaliwang Raffy de Guia.” Saka mabilis na inabot ang braso ng kasintahan at niyakap. “Mahaba-habang paliwanag ang kailangan mong gawin!”
Masaya namang pinipisil ni Raffy ang braso ni Lexy. Matagal nga rin pala bago siya nakabalik. “Hmmmm, namomroblema nga ako kung saan ko sisimulan eh.” Seryosong sabi nito.
“Eh kung simulan mo kaya sa tunay mong pangalan?”
“Promise di ka matutulog?” natatawang tanong ni Raffy.
“Promise!” masaya namang sagot ni Lexy saka lumipat sa pagitan ng mga binti ni Raffy at hinayaan ang binata na yakapin siya.
At nagsimula itong magsalaysay.