Dangerously In Love [COMPLETED]

Nang ma-ospital ang kapatid ni Madelyn ay sinulong niya si Keith Montalban, isang notorious underground fighter, para mag-demand na bayaran nito ang hospital bills ng kapatid niya. Ito kasi ang dahilan kung bakit na-injured at puno ng pasa ang kapatid niya. Hindi nito na-appreciate ang panggugulo niya rito ngunit dahil sa pangungulit niya ay pumayag ito. Ngunit may kapalit-magmo-model siya rito habang suot ang isang Pikachu pajama suit. Medyo na-weirduhan siya sa kapalit nito ngunit mas pipiliin niya iyon kaysa ang pagkababae niya ang hilingin nitong kapalit.

Ang buong akala ni Madelyn ay hanggang doon lang ang pagkikita nila ngunit nagkamali siya dahil isang araw ay bigla itong sumulpot sa diner na pinagtatrabahuan niya. Siguro may plano ang tadhana dahil hindi come and go ang binata sa buhay niya. Sa halip ay naging hero niya ito nang malagay sa panganib ang buhay niya. Hanggang sa isang araw ay namalayan na lang niyang nahuhulog siya, she was dangerously falling in love with the underground fighter. Ngunit paano kung ang dahilan ng muling pag-aagaw buhay ng kapatid niya ay kagagawan na naman nito?

AUTHOR'S NOTE:
Hello, guys. Ito po ang kauna-unahang MS ko na ni-return po ng PHR. Haha. Maraming factors kung bakit na-return ang MS pero dun ako natawa sa feedback na parang hindi daw dito sa Pilipinas ang setting ng story. Haha. Puro English novels kasi ang binabasa ko lately kaya ayon, English novel-inspired tuloy ang kinalabasan ng story. Haha. Tanggap ko naman na na-return siya pero hindi ko mapigilang manghinayang. I enjoyed writing the story at naisip ko, sayang naman kung itatago ko lang ito sa hard drive ko. Kaya 'eto, naisip kong i-publish na lang sa Wattpad. Sana mag-enjoy rin kayo sa love story nina Keith at Madelyn. Huwag rin po kayong mahiyang mag-comment. Nagpapa-inspire kasi 'yon sa akin. Thankies! Xoxo!