Sa Nangangarap( Tulang Soneto )ni G. Mark Fidel Palma

Lapis at papel kanilang pinanghawakan,
upang masuklian hirap ng mga magulang,
kanilang nais maka-ahon sa kahirapan,
at matamasang kumain ng higit sa isang gatang,

Maka tapos yan ang kanilang mga pangarap,
at makita ang tunay na tuktok ng tagumpay,
makikitang determinado sa pagsisikap,
dahil oras at buhay kanilang inialay,

Kung maabot ang pangarap sana'y wag limutin,
kung saan nanggaling at wag baguhin ang ugali,
dahil baka pag nasa tuktok ika'y mabitin,
at ikaw mismo'y di na kilala ang sarili,

Katapata'y di matutumbasan ng salapi,
kaya maging matuwid at hindi mapang-api