Ina. Ang sabi nila, huwag na huwag mong kakalimutan ang unang babaeng nagbuhos ng pagmamahal sa iyo. Ang unang babaeng, nakipaglaro sa iyo. Ang unang babaeng, yumakap sa iyo noong umuwi kang umiiyak. Ang unang babaeng pinakinggan ka. Ang unang babaeng, umintindi at hindi nanghusga sa iyo. Ang unang babaeng nagsabing "Anak, maganda ka." Sabi nila, huwag na huwag mong kakalimutan ang babaeng sinamahan ka sa lahat ng bagay. At ang tanging babaeng ipinatalo ang lahat manalo ka lang.