19 parts Ongoing Mula pa noong bata pa sila, hindi na magkasundo sina Mira Flores at Miko Diaz Santiago.
Lahat ng bagay ay nagiging kompetisyon.
Noong una, simpleng asaran lang kung sino ang mas mabilis tumakbo sa patintero, kung sino ang unang makakatapos sa recess, o kung sino ang mas malakas sumigaw sa laro. Pero habang tumatagal, mas lalo silang nagiging competitive sa isa't isa.
Sa elementary, nagsimula ang seryosong labanan.
"No way! Bakit ikaw na naman ang highest sa quiz?" reklamo ni Miko nang makita ang resulta ng pagsusulit.
Napangisi si Mira. "Bakit? Masama bang maging matalino?"
"Hindi ako papayag! Next time, ako ang top one."
At ganoon nga ang nangyari. Minsan si Mira ang panalo, minsan si Miko. Hindi lang sa academics, pati sa sports, Kapag hindi sa sports, sa school activities at kahit sa pagiging class representative. Sila ang laging magkatapat sa halos lahat ng kompetisyon.
Kapag isa sa kanila ang nangunguna, ang isa naman ay gigil na gigil bumawi.
Sa high school, mas lalo pang lumala ang rivalry nila.
Sa student council elections? Tabla.
Sa track and field competition? Isang panalo si Mira, isang panalo si Miko.
Sa quiz bee? Nagkaroon pa ng tie-breaker!
Para silang dalawang apoy na walang gustong magpatalo sa isa't isa.
Ngunit sa kabila ng kanilang away, tila hindi nila kayang mabuhay nang wala ang isa't isa. Dahil ano ang silbi ng pagiging pinakamagaling kung wala kang tatalunin?
At ngayong panibagong school year na naman...
Bagong taon ng kompetisyon.
