Dangerous Secret

Dalawang bagay lang ang mahalaga kay Jaxon Alonzo bukod sa pamilya: basketball at ang kababatang si Emma Marquez.

Isa lang naman ang pangarap niya. Ang gawing Alonzo si Emma. Pero nagbago ang lahat nang mapatay ni Victor Marquez si Maria Josefina Alonzo. Iyon ang naging mitsa para mabuo ang alitan sa pagitan ng dalawang angkan. Ang dahilan kung bakit wala ng lugar sa buhay niya ang isang Marquez.

Kasabay ng pagkawala ng ina ay naglaho na rin sa buhay niya si Emma. Lumipas ang ilang taon at nang akala niyang naghilom na ang sugat na dala ng nakaraan ay tsaka naman bumalik ulit ang babaeng pilit pa rin niyang binubura sa puso at isipan.