Himig ng Pag-ibig

Tanya Eliza Navarro, isang School Band Vocalist ay naatasang gumawa ng isang kanta na ipanglalaban ng kanilang Paaralan sa International Band Face - Off. Matagal ng pinapangarap ni Tanya na makarating sa Contest na ito ngunit sa hindi inaasahang panahon ay dadating ang iba't ibang hamon na susubok sa kanyang katatagan at puso. At ayan ay ang pagdating ng dalawang magkaibang lalaki sa kanyang Buhay.

Nagsimula ito ng umuwi sila ng kanyang mga Kapatid sa Probinsya at nakilala niya si Gon, ang Binatang magpapabago sa buong buhay niya. Nagsimulang mahulog ang loob ng dalawa sa isa't isa pero kinailangan ng bumalik ng magkakapatid sa Maynila. Pansamantalang nahiwalay ang dalawa sa isa't isa ng biglang umamin si Renzo, matagal na kaibigan at kaklase ni Tanya na may pagmamahal siya sa dalaga. Sinabayan din ito ng pagamin ni Gon sa tunay na pagtingin nito sakanya. Dumagdag pa ang pagdating ng balitang nakapasok sila sa International Band Face-Off! Naiwang naguguluhan si Tanya sa kanyang nararamdaman at sa kung anong uunahin, ang tunay ba niyang nararamdaman o ang matagal na niyang pinapangarap?

Tuluyan na bang iiwan ni Tanya ang kanyang matagal ng pangarap at mananaig ang bulong ng kanyang damdamin? O susundan parin niya ang pangarap niya at kalimuta't alisin muna niya ang pagmamahal sa kanyang puso? Pero saglit lang, sino ba ang mas matimbang sa kanyang puso, si Renzo ba o si Gon?