Matagal nang lihim na minamahal ni Cassandra si Kendrick. Ngunit naputol ito nang mag-aral siya sa Amerika. Naisip niyang kalimutan na lamang ito. After all, hindi siya ang babaeng mahal nito. Pero nang muli silang magkita ng binata pagkauwi niya ng bansa ay nanumbalik uli ang nararamdaman niya para dito. Idagdag pang muli niyang naalala ang kanyang binitawang pangako sa sarili. Ito ay ang mapasakanya si Kendrick. Ang problema lamang ay nobyo na ito ng kanyang matalik na kaibigan. Dahil dito ay nakagawa siya ng isang malaking kasalanan, ang pikutin ang binatang matagal na niyang iniibig. Pero paano kapag malaman ni Kendrick ang kanyang kasinungalingan? Mapapatawad pa ba siya nito o tuluyan na siyang kamumuhian nito? Sapat na ba ang kanyang pagmamahal para mahalin din siya nito?