58 parts Complete Si Zyreena Sky Devera ay isang babaeng mapagmahal sa pamilya-masipag, masayahin, at hindi marunong magtanim ng galit. Isa lamang ang ninanais niya sa buhay: ang matuwa at maramdaman ang pagmamahal ng kanyang ina. Ngunit sa di maipaliwanag na dahilan, tila kinasusuklaman siya ng ina at madalas ay galit ito sa kanya. Hindi alam ng dalaga kung ano ang dahilan ng ganitong trato sa kanya.
Isang araw, isinama ni Sky ang nakababatang kapatid upang maglako ng turon sa daan. Subalit naganap ang isang hindi inaasahang aksidente. Sa pagtatangkang iligtas siya, sinakripisyo ng kapatid ang sarili, na lalo pang nagpalalim ng galit ng kanilang ina sa dalaga.
Kinailangang sumailalim sa operasyon ang kapatid, ngunit wala silang sapat na pera para dito. Sa paglalakad, nakasalubong niya ang tiya ng kanilang kapitbahay, na nag-alok sa kanya ng trabahong kasambahay-isang alok na agad niyang tinanggap.
Dinala siya ng pagkakataon sa Hacienda de Alvarez, kung saan makikilala niya ang isang lalaking minsan na niyang nakita. Unang nagtagpo ang kanilang mga landas sa isang bar, kung saan inakusahan niya ito na nagnakaw ng banyo at walang pasintabing hinalikan ito.
Maalaala kaya siya ng kanyang magiging amo? Makakaya ba niyang harapin ang lalaking minsan na niyang nagawan ng nakakahiyang bagay?
Habang tumatagal siya sa poder ng kanyang amo, may mga matutuklasan siyang mga bagay-mga bagay na magbabago sa kanyang buong buhay. At unti-unti ring masasagot ang tanong na matagal nang bumubulabog sa kanyang isipan.
Tunghayan ang kuwento ni Zyreena Sky Devera at ang magiging takbo ng kanyang buhay sa piling ng kanyang amo.
