Sa kasagsagan ng malakas na ulan ay isang misteryosong lalaki ang lumitaw sa pintuan ng apartment ni Alice. Matangkad ito, matipuno, ngunit matalim ang mga mata na tila ba may balak itong lamunin siya ng buhay. Ngunit hindi maaaring tama ang kanyang nakita noong gabing iyon dahil nakasisiguro si Alice na ang lalaking ito ay may parehong mukha ng lalaki na nakasabit sa pader ng villa ng kanyang nobyo. At ang lalaking iyon ay matagal nang patay. Like... a hundred years ago, perhaps? Subalit naramdaman ng dalaga ang kakatwang kuryenteng dumadaloy sa kanyang buong katawan sa tuwing magdadampi ang balat nila ng binata. Iyon ang isang bagay na hindi niya maitatanggi. Kasama na marahil ang katotohanang maaaring nabubuhay nga talaga ang mga taong matagal nang patay.