Recall

Naglalakad siya pauwi sa isang kanto nang mapagawi ang kaniyang tingin sa isang lalaki sa sulok.

Relaks itong nakasandig sa pader habang hawak nang kaliwang kamay nito ang kanang kamay na tila isang bouncer. Sa tantiya niya ay may taas itong 5'8". Madilim na parte ang kinatatayuan nito. Nakahood ito at hindi niya makilala dala ng bagsak nitong buhok sa noo. Pero sigurado siyang nakatingin ito sa kaniya dala ng nahawing buhok na tumabing sa kaliwang mata nito. At sa hindi malamang dahilan ay hindi niya maialis ang tingin rito. Parang may kung anong nag-udyok sa kaniya upang tignan ito.

Pero bigla na lang itong nawala sa kaniyang paningin. Namamalikmata ba siya? Ipinikit niya ang kaniyang mata at nagbabakasakaling makikita ulit ito sa muli niyang pagmulat.

Sinilaban nang kaba ang kaniyang dibdib ng hindi niya ito makita lalo na nang umihip ang malakas na hangin patungo sa kaniya. Inayos niya ang suot niyang jacket ng makaramdam siya ng lamig. Pero iba ang lamig na iyon, kakaiba. Para bang may mga brasong nakayakap sa kaniya. Lumalim agad ang kaniyang paghinga sa mga naiisip niya.

WARNING: There are contents that are not suitable for some audiences, reader discretion is advice.