Ang Kwento ng Buhay ni Marry Ann

Sa isang malayong pook ay may isang mahirap na pamilya. Sila ay kapos sa pera at kung minsan ay dumadating sa oras na nalilipasan ng gutom. Sa kabila noon ay makikita parin ng mga tao sa kanilang mukha ang bakas ng ngiti at pag-asa sa kanilang buhay.

Si Anna ay nag-iisang anak at sampung taong gulang. Siya ay may busilak na puso at punong-puno ng mga pangarap sa buhay.

Sila ay mahirap lamang ngunit ito'y hindi naging hadlang upang makamit niya ang kanyang minimithi sa buhay. Siya ay masipag na bata ,matalino at pursigidong mag-aral.

Ang trabaho ng kanyang ina ay isang labandera lamang ngunit hindi sapat ang kita nito para tugunan ang kanilang pangangailangan. Ang kanyang ama naman ay nasa bahay lamang, dahil may malubhang sakit ito sa puso, kaya kinakailangan nito ng gamot.

May mga pagkakataon na si Anna ay hindi nakapapasok sa paaralan. dahil walang pera at walang pamasahe. Madalas siyang umaalis ng bahay at pumupunta sa tabing ilog upang umiyak at ilabas ang kanyang nararamdaman. Minsan ay iniisip niya kung papaano ang kanyang gagawin upang makapagtapos siya ng pag-aaral.

Nag-isip si Anna na maghanap ng trabaho upang maipagpatuloy ang kanyang pag-aaral at upang matulungan din ang kanyang mga magulang.