Stealing My Sister's Girlfriend

"Ang ganda ng ate mo tol. Pwede ko bang ligawan?" Binatukan ko ang loko.

"Gusto mong makalimutan ko na kaibigan kita?"

Napailing na lang ako habang hinahaplos ni Daniel ang ulo niya na binatukan ko.

Andrea May Cruz. Siya ang ate ko. Napakaperpekto niya, mabait na nga, maganda pa. Maraming nakakandarapa sa kanya, at dahil dalawa lang kaming magkapatid, kahit na mas bata ako, ako pa rin ang mas strikto, babae siya eh. Kailangan protektahan

Hindi ko lang siya kapatid, best friend ko din siya. Alam namin ang sekreto ng isa't isa, takbuhan namin ang isa't isa sa tuwing may problema, magkakampi kami sa lahat ng bagay, maging sa away man at kalokohan. Me and my sister against the world.

Ngunit isang araw ang gumulat sa akin. Kagagaling ko ng eskwelahan at nadatnan ko si Mama, Papa, Ate, at isang babae.

"Andrew, si Kristen. Girlfriend ko."

Para akong nabingi sa narinig ko, parang yung pangungusap lang na yun ang tumatak sa utak ko.

Hindi . Aalisin ko siya sa buhay ng kapatid ko.