My Crazy Girl

STATUS: COMPLETED

Si Rixie Flaire Arzon isang sikat na estudyante sa kanilang unibersidad.
Maganda, matalino, talented at anak ng isang mayamang negosyante, iyan ang mga katangiang meron siya pero hindi iyan ang dahilan kung bakit siya sikat.

Sa t'wing papasok siya unibersidad ay sinasalubong siya nang mapangutya at mapanghusgang tingin. Nilalayuan ng mga tao na animo'y may nakakahawang sakit.

'Baliw daw 'yan, pero bakit nandito?'

'Mayaman ang pamilya kaya tinanggap pa rin dito kahit may tama siya sa utak.'

'Dapat sa mental institution siya pumapasok.'

Lahat ng tao sa paligid niya ay baliw ang tingin sa kanya, kahit ang sarili niyang pamilya.

Walang magawa si Rixie kundi tanggapin na ganoon talaga ang tingin ng lahat sa kanya at balewalain iyon. Nasanay na siya dahil kahit anong pilit niyang ipaalam na hindi siya baliw ay hindi siya pinaniniwalaan.

Pero nagbago ang lahat nang makilala niya si Jon Andrei Serrano. Isang freelance photographer na HRM student, gwapo, matangkad at matalino at mayaman, athletic, magaling magluto, mabait, happy go lucky, medyo babaero at malanding nilalang.

Na-like at first sight siya kay Flaire dahil sa taglay nitong ganda, pero hindi niya inasahan na baliw ang tingin nang lahat dito. He knew na hindi baliw ang babaeng gusto niya kaya gumawa siya ng paraan para tulungan ito. Pero dahil sa pagtulong niya ay lalo lang napamahal sa kanya si Rixie.

Pero bago pa niya maamin ang tunay na nararamdaman para kay Rixie ay nalaman niyang may boyfriend na ito.