12 parte Kumpleto Prof. Dhark De Barraz, ang lalaking tulog sa araw at gising sa hatinggabi, misteryosong boss na pinagsisilbihan ni Pomelo. Bawal magtanong ng mga detalye tungkol dito. Halos bawal tumitig sa mga mata nitong nakakubli sa progressive eyeglasses. Natatakot ang dalaga pero kailangan niya ng trabaho. Ulilang lubos siya at tanging lola niya ang natitirang pamilya na kaniyang kasama.
Isang gabing masama ang kaniyang pakiramdam, kasabay ng bagyong tumama sa lugar nila, nagkamali siya nang pinainom na gamot sa professor. Ang naging kabayaran ng pagkakamaling iyon ay ang mainit na tagpo sa kama kung saan kinabukasan ay hindi na nito naalala.
Handa na rin sana siyang kalimutan iyon kung hindi nagbunga ang nangyari sa kanila. Pero dapat pa ba niyang sabihin ang gabi ng bagyo kung may babaeng lumitaw at nagpakilalang asawa nito?
